Gov. Arthur Defensor, nag-athag nga wala Nag-ilis sang Partido si 3rd District Rep. Arthur Defensor Jr

Iloilo City — Nagapabilin sa Liberal Party si 3rd District of Iloilo Congressman Arthur Defensor Jr.

Paathag ini ni Governor Arthur Defensor kasunod sang pagpirma sang iya bata sa manifesto of support kay Congressman Pantaleon Alvarez sang PDP-Laban bilang house speaker.

Suno sa gobernador, ang pagpirma ni Cong. Defensor wala nagakahulugan nga nag-ilis ini sang partido kundi nagapakita lang sang iya pagsuporta sa legislative program sa administrasyon ni incoming president Rodrigo Duterte.

Nagapati naman si Defensor nga mapierde si Congressman Sonny Belmonte sa iya liwat nga pagpapili sa house speakership.

Ang matabu kay Belmonte suno sa gobernador nga mangin minority leader na lang ini sa Kamara de Representantes. (JoMaque)