4 ka mga Police Personnel, Ginbutang sang Jaro Police Station sa Brgy. Desamparados kasunod sang Request sang Pamilya Jablo

Iloilo City — Ginbutangan sang apat ka police personnels ang Desamparados Jaro sugod subon nga adlaw.

Suno kay PCI Roel Firmo, ang hepe sang Jaro Police Station, duha ka police ang ibutang sa mobile patrol kag duha man ang maga-foot patrol ilabe na kun gab-i.

Kasunod ini sang request sang pamilya Jablo nga nagpangayo sang police assistance bangud sa kahangawa sa seguridad bangud sang sunod-sunod nga insidente nga target ang ila mga himata.

Bangud ini sa pagtiro patay sa bayaw ni punong barangay Noemi Jablo nga si Carcar Jablo sang Oktubre 8.

Ginapangabay man ni Firmo ang Philippine Army nga magbulig sa pagbantay sa Brgy. Desamparados.

Gin-athag ni Firmo nga magluwas sa seguridad, ginpahamtang ang mga police para sa drug clearing operations.  (JoMaque)