Temprano nga pension kag 13th month pension sang mga SSS pensioners, ginalauman

Iloilo City–Ginalauman nga temprano nga mabaton sang mga SSS pensioners ang ila pension subong nga Disyembre lakip na ang ila 13^th month pension.

Suno kay Raul Casiano, OIC Division Head ang SSS sa Western Visayas, Nobyembre pa lang napasulod na sa mga partner banks ang pondo. Nagpangabay suno sa iya ang SSS sa mga partner nga bangko nga kun mahimo ma-release ang pension sa una nga semana sang Disyembre bisan pa nga may mga pensioners nga nagabaton sang ila pension sa mga ulihi nga semana sang bulan.

Lakip sa temprano pa nga mabaton ang survivorship pension. (AGB)