Bakhaw Mandurriao punong barangay Remia Prevendido-Gregori, drug protector suno sa Mandurriao police

Iloilo City — Drug protector ang record sa police ni punong barangay Remia Prevendido-Gregori kabangdanan gin-subject ini sa Oplang Tokhang Reboot sang Mandurriao police. Ini ang paathag ni Inspector Juan Tigaronita, OIC sa Mandurriao Police Station rason gin-imbitar nila ang kapitan nga magkadtu sa police station. Suno kay Tigaronita, sang nagligad pa nga tuig gin-tokhang si Gregori apang sang lunes, Setyembre 18 lang ini nagpasugot nga magpresentar sang iya kaugalingon. Nagapati si Tigaronita nga may ginasandigan si Gregori gani mabudlay ini kumbinsihon sang nagliligad nga mga tinuig. Nagpasugot suno sa iya ang kapitan bangud napatay na ang utod sini nga si PDEA 6 identified drug group leader Richard Prevendido. Ginkuhaan sang finger prints, mug shots kag ginpa-execute sang affidavit si Gregori sang nagpresentar ini sang iya kaugalingon sa Mandurriao Police Station. (JoMaque)