2 ka magkasunod nga drug bust operation, ginhimo sa magkatuhay nga lugar sa syudad

Iloilo City — Duha ka sunod nga buy bust operation ang ginhimo sa syudad kagab-i, Oktubre 20.

Nakapalagyo ang subject sang operasyon sang Police Station 1 Drug Enforcement Team sa Tanza Esperanza, City Proper nga si Joey Bacaling, 40.

Apang alas-12:30 kaina sang kaagahon, nagsurrender si Bacaling kanday Tanza Esperanza Punong Barangay Wilbur Orada kag Malipayon Punong Barangay Frederick Hormillosa. Nabaklan si Bacaling sang isa ka sachet sang suspected shabu nga nagabalor sang 600 pesos.

Nanginwala naman si Joel Catilo, 54 sang Zone 4 Boulevard, Molo, nga siya ang nagapanag-iya sang anum ka daku nga sachets kag duha ka gagmay nga sachets sang suspected shabu nga nakuha sa buy bust operation. Suno pa kay Catilo, ginkastigo pa siya antes nag-abot ang mga katapu sang media.

Apang gin-ako ni Boulevard Punong Barangay Virgilio Villanueva nga ara sa ila BADAC report si Catilo. Ginhimo sang RDEU kag Lapaz Police Station Drug Enforcement Team ang buy bust operation.  (JoMaque)