Pahayag ni Presidente Duterte nga hatagan sang trip to Hongkong ang mga pulis nga makapatay sa ila superiors nga involved sa illegal drugs, makakulugmat suno sa isa ka pari

Iloilo City–Maka-alarma kag makakulugmat ang pahayag ni Presidente Rodrigo Duterte nga hatagan sang P3 million kag trip to Hongkong ang mga pulis nga makapatay sa ila superiors nga involved sa illegal nga druga.

Suno kay Father Marco Sulayao, spokesperson sang Promotion of the Church Peoples’ Response-Panay, naga-promote sang impunity ang suno sa iya iresponsable nga pahayag sang presidente. Daw kasubong suno kay Sulayao nga ginaduso ni Duterte ang mga pulis nga magpamatay bisan wala sang basehan.

Nagapakita man suno sa iya nga wala sang salig ang presidente sa mga pulis kag militar kag wala nagarespeto sa laye.

Nagtanyag si Duterte sa mga pulis matapos nga napatay sa drug buy bust operation si PSUPT Santiago Rapiz sa Dipolog City sang Nobyembre 5 sang gab-i bangud ginpahayag nagbatu sa mga miembro sang PNP Counter-Intelligence Task Force. (AGB)