Mga barangay kapitan, kasuhan sang trespassing ang sin-o man nga magkakas sang mga posters ukon tarpaulin sang mga ginasuportahan nila nga kandidato

ILOILO CITY — Kasuhan sang mga barangay kapitan sang trespassing ang sin-o man nga makakas sang mga posters ukon tarpaulin sang ginasuportahan nila nga kandidato.

Suno kay Liga President Irene Ong, wala sang poder si Mayor Joe Espinosa nga magkakas sang mga posters sa mga kabarangayan.

Kun gusto sang alkalde nga magtapik sang iya mga posters, mahimo man siya makatakod basta maayo lang bangud kakason nila ang mga posters nga malaw-ay ang pagbutang.

Nauna na nga ginpahayag ni Espinosa nga ginatun-an niya ang pagkakas sang mga posters sang pulitiko sa mga pampubliko nga lugar partikular na ang yara sa mga barangay hall bangud nagalapas sa ordinansa sang syudad. (JoMaque)