900 ka delegado, nagtipon sa Iloilo City para sa East Asian Seas Congress 2018

Iloilo City–Nagtipon sa syudad ang ginabanta 900 ka mga local kag foreign delegates sang East Asian Seas Congress 2018.

Katuyuan sang event nga madiskusyunan ang nagkalain-lain nga mga isyu sa baybayun kasubong sang climate change kag blue carbon, marine pollution kag matinlo nga tubig, biodiversity kag coastal management, governance kag partnerships kag iban pa.

Sa apat ka adlaw nga event, ginapa-abot nga makadihon ang mga pungsod nga kabahin sang Partnerships in Environmental Management for the Seas of East Asia ukon PEMSA sang Iloilo Ministerial Declaration on East Asian Region bilang isa sa pagsiguro sang healthy nga baybayon, mga tawo kag ekonomiya.

Lakip sa mga nagtambong ang mga representante sang nagkalain-lain nga ahensya sang gobyerno, civil society, academe, business sector kag NGOs. (AGB)