PRESO, NASAPWAN PATAY SA SULOD SANG PRISUHAN SA LAMBUNAO

Lambunao, Iloilo — Nagahigda kag wala  na nagahulag sang nasapwan sa sulod sang CR sang custodial facility sang Lambunao Municipal Police Station si Melbin Lozares , 21 anyos sang Brgy. Caninguan mga las 8 kaina sang aga.

Suno kay Supt. Rogelio Ortigas, hepe sang Lambunao Police Station, ginpa-check nila sa ila Municipal Health Physician ang bangkay kag ginapatihan nga na-cardiac arrest ang lalaki.

Wala man sang pilas nga nakita sa lawas ni Lozares ukon patimaan nga naghikog siya. Nagapadayon ang imbestigasyon sang Scene of the Crime Operatives (SOCO) ang insidente. (JoMaque/KT)