Mga vendors nga ginpasugtan makabaligya sa open sidewalk subong nga Disyembre, gina-monitor sang PSTMO

Iloilo City — Gina-monitor sang Public Safety and Transportation Management Office (PSTMO) ang mga vendors nga ginpasugtan makabaligya sa open sidewalk sa downtown area subong nga Disyembre.

Suno kay PSTMO Head Jeck Conlu, nagalibot ang special services division sang iya opisina kag ang Task Force on Anti-Squatting and Illegal Structure (ASIS) agud masiguro nga indi malaksam ang bilog nga sidewalk.

Ginpasugtan nga makabaligya ang mga vendors halin Disyembre 1 tubtub Disyembre 31.

Kada adlaw suno kay Conlu, ginalibot nila ang mga sidewalk agud masiguro nga wala sang may naga-abusar nga vendors.

Gina-instriktuhan sang PSTMO ang lugar nga gina-okupar sang mga vendors sa diin dapat makaigu ang duha ka tawo nga nagasugat-anay kag may lugar para naman sa nagabantay sang depasahero nga jeep.

Kalabanan sa mga open sidewalks nga gina-okupar sang mga vendors amu ang dalan JM Basa, Ledesma, Iznart kag Valeria. (JoMaque)