22 anyos nga lalaki sa San Dionisio, patay matapos nalumos sa dagat

San Dionisio, Iloilo – Patay ang lalaki nga nalumos samtang nagapaligo sa dagat sa Brgy. Sua, San Dionisio sang Enero 1.

Suno kay SPO2 Jessel Igbaras, ginkilala ang nalumos kay Ronel Ciriaco sang Brgy. Malbog, Estancia.

Sa pagpangusisa sang police, nakita na lang nga naga-utaw-utaw si Ciriaco pasado las-tres sang hapon. Gindala pa siya sa Sara District Hospital pero gindeklarar sang doktor nga napatay las-4:10 sang hapon.

Nagaselebrar sang bag-ong tuig si Ciriaco upod sa iya mga himata sang natabu ang insidente. (JoMaque)