Mga rides kag peryahan sa kilid sang belfry sa Jaro Plaza, ginapakakas man sang PSTMO

Iloilo City— Kuhaun ang perya sa kilid sang belfry sa Jaro.

Ini ang ginpahayag ni Public Safety and Transportation Management Office (PSTMO) head Jeck Conlu kasunod sang mga pamangkot kun ngaa nabilin ang peryahan sa kilid sang belfry samtang ginkakas naman ang iban pa nga naglaksam sa karsada.

Suno kay Conlu, ginpangitaan lang sang iban nga masayluhan ang perya sa kilid sang belfry bangud indi man madali-dali ang pagkakas sang mga ini ilabe na ang rides.

Bisan nga wala nagasablag sa mga nagaagi nga salakyan, kakson ang peryahan suno sa iya para sa kaluwasan sang mga nagalabay. (AGB/MO)