Speech sang mga national politicians sa “lull moments” sang #Dinagyang, dapat nakasentro sa aktibidad kag indi sa pulitika – Mayor Joe Espinosa via Protocol Officer Ms. Jorvelyn Espinosa

ILOILO CITY— Duha tubtob tatlo ka minutos lang ang ihatag para sa speech sang mga pulitiko sa Dinagyang highlight.

Suno kay Ms. Jorvelyn Espinosa, protocol officer ni Mayor Joe Espinosa, lakip sa guidelines sang speech sang mga pulitiko ang indi na pagmitlang sang mga VIPs.

Dapat man nga ang kaundan sang speech nakasentro sa Dinagyang kag wala sang mga political comments.

Duha pa lang ang kumpirmado nga mahatag sang speech nga gintugutan ni Mayor Joe Espinosa: sanday Senator Cynthia Villar kag anay SAP Bong Go.

Pito ka mga national politicians ang kumpirmado nga makadto sa highlight.

Nagadepende naman sa alkalde kun tugutan ang iban pa nga pulitiko nga maghambal sa mga “lull moments.” (JoMaque)