Pambato sang Miag-ao, ginkoronahan bilang Miss Iloilo Dinagyang Carnival Queen 2019

Iloilo City — Gindugukan ang coronation night sang Miss Iloilo Dinagyang 2019 nga ginhiwat sa Casa De Emperador sa Megaworld sa Mandurriao kagab-i, Enero 25.

14 ka mga kandidata ang nagpa-indis-indis para sa pito ka titulo kag ginkoronahan nga Miss Iloilo Dinagyang Carnival Queen 2019 si Maria Mikhaella Incensario sang Miag-ao.        

Nagdaug naman nga First Runner-up si Janeen Dale Geroso sang Jaro North; Second Runner-up si Ma. Cielito Corazon Abendon sang Lapaz Central.

Miss Iloilo Dinagyang Industries si Beatrice Nicole Arabia sang Mandurriao; Miss Iloilo Dinagyang Environment si Berylene Joy Barredo sang Molo; Miss Iloilo Dinagyang Tourism si Sharon Idone sang Arevalo; Miss Iloilo Dinagyang Heritage Queen si Elaine Segura sang Guimbal.  

Nangin host sang event si Isabelle Daza, anak ni Miss Universe 1969 Gloria Diaz kaupod si TV host Ryan Agoncillo. (JoMaque)