Ballpens, lighters kag iban pa nga nuisance items, na-recover as greyhound operation sa Iloilo City District Jail-Female Dormitory

Iloilo City— Naka-recover sang mga ballpen, lighters, canned goods kag iban pa nga items sa greyhound operation sa Iloilo City District Jail – Female Dormitory sa General Luna Street, City Proper kaina sang aga, Enero 30.

Suno kay Jail Senior Inspector Aubrey Gutierrez, head sang amo nga jail facility, indi kontrabando ang na-recover apang ginakabig nga nuisance items sa sulod sang dormitory.

Wala naman sang may na-recover nga illegal nga druga ukon anuman nga gadget.

Ginpaidalum man sa drug test ang 18 tanan ka personnel sang ICDJ-Female Dormitory lakip ang 79 sa 235 nga mga preso kag negatibo ang resulta.

Nagtingub ang pwersa sang ICDJ, Philippine Drug Enforcement Agency kag Philippine National Police sa amo nga operation. (AGB/ATT)