3 patay, 2 pilason sa aksidente sa Sta. Barbara

Sta. Barbara, Iloilo (UPDATE) — Tatlo ang patay kag duha ang pilason sang nabungguan sang SUV ang tricycle sa Barangay Lanag, pasado ala una kaina sang kaagahon, Pebrero 14.

Dead-on-arrival sa ospital ang mag-utod nga pasahero sang tricycle nga sanday Romel, 25 kag Janice Surmieda, 21-anyos.

Ginkumpirmar naman ni PO1 Mark Puga sang Sta. Barbara Police Station nga napatay las 4:15 kaina sang kaagahon ang driver sang tricycle nga si Jero Poll Souribio sang Barangay Lanag.

Pilason sa aksidente sanday Eljay Surmieda, 19 anyos, pasahero man sang tricycle kag Aries Severo nga driver sang SUV.

Sa imbestigasyon sang Sta.Barbara Police, nag-overtake ang SUV sa ginasundan nga salakyan tubtub nga nabungguan ang trisikol. (JoMaque)