(UPDATE) PRO 6 director John Bulalacao, nagmandu sa IPPO Director nga imbestigaran ang identity sang riding-in-tandem nga nagpalupok sa checkpoint sa Barotac Viejo

Camp Delgado, Iloilo — Ginmandu ni Police Regional Office 6 Director PCSUPT John Bulalacao kay Iloilo Police Provincial Office Director PSSUPT Marlon Tayaba nga kilalahon kag pasakaan sang kaso ang riding-in-tandem nga nagpalupok sa checkpoint sa Barangay San Lucas, Barotac Viejo mga las 8 kagab-i, Pebrero 19.

Suno kay Bulalacao, nagpakig-angut siya kay tayaba matapos nahibaluan ang impormasyon sa diin may nasalabat nga bystander.

Ginakabig ni Bulalacao nga simple criminal violation ang natabu kag posible naglikaw ang mga suspek bangud dala nga illegal pareho sang druga.

Nagapakadtu sa computer shop si Emmanuel Badilis, 18-anyos, sang nagpalupok ang mga suspek. Napilasan sa hawak ang biktima. (AGB)