Subject sang buy bust operation sa Pototan, patay sang ginpahayag nagbato sa mga pulis

Pototan, Iloilo — Dead-on-arrival sa ospital ang 60-anyos nga subject sang drug buy bust operation matapos natiruhan sa Rizal Street, pasado las dos subong nga hapon, Marso 26.

Ini ang ginkunfirmar ni Police Chief Inspector Ronnie Brillo, hepe sang Pototan Police Station.

Na-recover ang 14 ka sachets sang suspected shabu sa subject nga si Valentino Gonzales, pumuluyo sang amo nga lugar.

Suno kay Brillo, namutikan sang subject nga pulis ang iya katransaksyon rason hinali lang nagsulod sa iya balay kag nagpalupok sang pusil. (AGB/ATT)