3 Ilonggo lawmakers, nagboto agud i-deny ang franchise applications sang ABS-CBN

By: JoMaque | July 11, 2020

Nagboto sang YES ukon pabor sa pagbasura sang franchise application sang ABS-CBN ang tatlo ka kongresista nga taga-Iloilo nga miembro sang House Committee on Legislative Franchises.

Lakip sanday Iloilo City Lone District Rep. Julienne Baronda, AAMBIS-OWA Partylist Rep. Sharon Garin kag Iloilo First District Rep. Janette Garin sa 70 ka nagboto sang YES sa rekomendasyon sang technical working group sang komitiba nga i-deny ang application sang ABS-CBN para sa franchise nga magapahanugot sa kompaniya nga maka-broadcast sa sulod sang 25 ka tuig.

Sa 85 ka miembro sang panel kag ex-officio members nga nagboto kaina, 70 ang nag-YES, 11 ang nagboto sang NO, duha ang nag-inhibit kag isa ang nag-abstain.