Suguran sang Department of Public Works and Highways (DPWH) ang pag-construct sang Panay-Guimaras-Negros (PGN) bridge sa 2025. Ini ang ginpasalig sang National Economic Development Authority (NEDA) 6.
Naplastar sa Facebook post sang NEDA nga nagahulat na lang sila sang kompleto nga detailed engineering design halin sa DPWH Project Management Office.
Ginkumpirmar man sang ahensya nga nabaton na nila ang local endorsements sang provincial, municipal, kag city councils sang tanan nga apektado nga lugar.
Posible naman nga mahatag ang notice to proceed sa Mayo 2023 sa napilian kag nagdaug nga bidder sa pagtukod sang proyekto.
May kalaba-on nga 32.47 kilometers ang Panay-Guimaras-Negros Island Bridge nga ginabug-usan sang duha ka sea-crossing bridges nga maga-angut sang Panay Island, Guimaras Island kag Negros Island.
P189.53 Billion ang mangin budget sang nasambit nga proyekto.
