ILOILO CITY—Matudlo si former Mayor Jerry Treñas sa College of Law sang West Visayas State University sa pagsugod sang school year.
Ini ang ginkumpirmar ni Treñas sa Aksyon Radyo Iloilo.
Suno sa anay alkalde, Laws on Local Government ang iya itudlo sa unibersidad.
“I will need to start preparing na,” suno sa alkalde, samtang nagahilapit ang pagbukas sang klase.
Sang 2020 nga alkalde pa si Treñas, nagpahayag na siya nga mabalik sa pagtudlo sa law school.
Si Treñas nga abogado, nag-graduate sa Ateneo Law School, nagtudlo sang law subjects sa University of Iloilo antes nagpadalagan nga city councilor. — Aksyon Ariel Solacito
Ñ
