ILOILO CITY—Wasak ang bumper sang awto sang nakabunggo sa center island sa Cabugao Sur, Pavia pasado las-6:30 subong nga aga.
Halin sa siyudad sang Iloilo ang awto kag pakadto kuntani sa Iloilo International Airport.
Suno sa driver nga Indian national, napiyungan siya samtang naga-drive gani nakabunggo ang awto sa center island.
Nakibot ang driver kag nadulaan sang control sang manibela kag liwat nga nakabunggo sa center island, mga 10 metros ang kalayuon sa una niya nga nabungguan.
Wala sang upod ang driver.
May pilas sa tiil ang driver kag gilayon nga gindapatan sang first aid sang MDRRMO Pavia pero gindala man sa ospital.
