Parcel nga ginbilin sa atubang sang balay sa San Vicente, Jaro ginka-alarma sang mga residente; parcel naga-unod sang kahon sang pizza sang ginbuksan

ILOILO CITY — Ginka-alarma sang mga residente sa Brgy. San Vicente, Jaro ang ginbilin nga parcel sa atubang sang balay kaina sang aga.

Temporaryo nga ginkordon sang pulis ang area kag wala ginpa-agyan sa kahadlok nga may unod nga eksplosibo ang parcel.

Tungod sini, gintawgan sang taga-Explosive and Ordnance Division ang barangay kag ginbukad ang parcel.

Natukiban sa ulihi nga pizza boxes ang unod sang parcel. Ginpahayag ni Major Eduardo Siacon, Jr, hepe sang Police Station 9 nga sa ila pagpangusisa, gin-deliver ang parcel sa baligyaan sang pizza sa Arguelles, Jaro, pero may nagpulot kag ginbilin sa atubang sang balay sa San Vicente.

Nagsakay suno sa iya sa tricycle ang nagkawat sang parcel kag na-capture sang CCTV camera ang pagbilin niya sang package// Gina-identify na sang pulis ang nagkawat sang parcel. — Aksyon Farrah Mae Morano