11 ka salakyan ang nagkarambola sa Libertad, Nabas, Aklan kagab-i, Oktubre 20.
Suno kay Nabas Mayor James Solanoy, naglamsot ang preno sang delivery truck nga may karga nga sinako sang kalamay.
Tungod dulhugon ang karsada kag madasig ang dalagan sang truck, nadalasa sini ang mga salakyan nga nagalabay man sa highway antes natumba sa tunga sang highway.
May impormasyon nga may salakyan nga nahulog sa pil-as, pero gin-athag sang alkalde nga na-verify nila nga ini matuod.
Nagapasalamat si Mayor Solanoy nga wala gid sang malala nga pilason sa natabo. Nagbulig sa rescue kag clearing operation ang mga personnel sang MDRRMO sa Nabas, Malay, kag Ibajay, subong man ang taga-Provincial Disaster Risk Reduction and Management Office sang Aklan, kag mga volunteer responders kag emergency units.
Pila ka oras nga wala maagyan ang karsada tungod sa aksidente.
