ILOILO — Malapit tunga sa million nga balor sang suspected shabu ang nakuha sa high value individual drug personality nga nadakpan sa drug bust operation sa Barangay Sambag, Zarraga Disyembre 13 sang gab-i.
Subject sa operasyon si alyas Dodoy, 35-anyos nga wala sang trabaho kag residente sang nasambit nga barangay.
Sa report sang Iloilo Police Provincial Office, mga isa ka bulan ang nangin validation sang kapulisan sa illegal drug transactions sang subject makaligad may nagpalab-ot sang impormasyon.
Nagahalin ang supply sang illegal drugs sang subject sa Iloilo City kag ginabaligya sa ila banwa.
Na-recover sa subject ang 65 grams sang suspected shabu. — Aksyon Maria Kayla Tingzon
