ILOILO— Patay ang driver sang motorsiklo sang nakabunggo sa isa pa ka motorsiklo sa Brgy. Tranghawan, Lambunao kagab-i.
Suno kay Lieutenant Andrew Capalla, deputy chief sang Lambunao Municipal Police Station, pakadto sa banwa ang motorsiklo nga ginamaneho ni Ricky, 51-anyos antes ang insidente.
Sa imbestigasyon, naglapaw sa iya nga lane ang motorsiklo gani nabungguan ang isa pa ka motorsiklo nga ginamaneho ni Jojo nga pakadto sa Calinog ang direksyon.
Pareho nga ginpangdala sa Lambunao District Hospital ang mga drivers.
Gindeklarar naman nga dead-on-arrival si Ricky nga may patal nga pilas sa ulo. Wala sang ginasuksok nga helmet si Ricky.
May pilas naman sa abaga kag ulo si Jojo. — Aksyon Farrah Mae Morano
