ILOILO — Naglab-ot sa binulan ang monitoring sang Sara police agud madakpan ang 21-anyos nga lalaki sa drug bust operation sa Barangay Zerrudo, Sara.
Suno kay Police Lieutenant Brett Balopiños, hepe sang Sara Municipal Police Station, 65 grams sang suspected illegal ang nakuha nila sa subject nga si alyas Boyboy.
Sa kabug-usan, P422,000 ang standard drug price sang illegal drugs nga na-recover sang kapulisan.
Base sa impormasyon sang pulis, bag-o lang graduate sa grade 12 ang subject kag plano pa kuntani nga mag-college.
Ginpakigbahin man ni Balopiños nga tungod sa P150 nga commission sa kada transaksyon nagsulod sa pagbaligya sang illegal drugs si Boyboy. — Aksyon Angel Mae Ciudad
