Magpakaisa patay sang nalumos sa suba sa Nueva Valencia, Guimaras

GUIMARAS — Upod nga nagahampang, upod man nga nalumos ang magpakaisa sa suba sa Sitio Tabay Brgy. Lanipe, Nueva Valencia, Guimaras kahapon sang aga.

Suno kay Captain Ross Kevin Obejas, OIC sang Nueva Valencia Police Station, una pa nga nakit-an ang magpakaisa nga apat ka tuig kag lima ka tuig sa sulod sang balay nga nagahampang.

Wala nadiparahan sang iloy nga nagguwa ang bata tubtob nga nakit-an na lang sa suba nga nagakalumos.

Ginabanta sa 30 metros lang ang kalayuon sang suba sa balay.

Gindala pa sa ospital ang magpakaisa pero gindeklarar nga dead-on-arrival.