CAPIZ— Gin-imbitar kahapon nga “ma-early dinner” si Police Captain Rian Fuentes Ampoyos, head sang First Provincial Mobile Force Company, kaupod ang duha pa ka police officers gani yara sila sa sulod sang KTV Bar sang nagginamo kaina sang kaagahon sa Barangay Binuntucan, Pontevedra, Capiz kag natiruhan patay si Ampoyos.
Suno kay Police Regional Office (PRO) 6 Acting Director, Police Brigadier General Randulf Tuaño, nagarangko sang Corporal kag Staff Sergeant ang duha ka mga pulis nga kaupod ni Ampoyos sa KTV Bar sang natabo ang krimen.
Pamilya sang corporal ang tag-iya sang KTV bar nga nag-imbitar sang panyapon sa ila.
Kadungan sang dinner, gin-istoryahan ang peace and order situation sa area tubtob nga nagab-ihan ang mga pulis.
Suno kay BGEN Tuaño, gina-imbestigaran na ang kabug-usan nga natabo agud mahibaluan kon ngaa nalab-utan kaina sang kaagahon sa KTV bar ang tatlo ka pulis.
Natabuan man nga off duty ni Ampoyos sang nagkadto sila sa KTV Bar, suno kay Tuaño.
Ginrekomendar naman nga i-relieve nga hepe sang Pontevedra Municipal Police Station si Police Captain Mark Anthony Garcia tungod wala niya na-monitor ang Oplan Bakal sa mga KTV bars.
IMBESTIGASYON SANG PONTEVEDRA POLICE
Nagahana pa lang kuntani nga matambag si PCpt. Ampoyos sa kinagamo sang gintiro siya sang suspek nga si William Deocampo.
Suno kay Police Captain Garcia, manugpauli na kuntani si Ampoyos kag duha pa ka pulis sang nagginamo.
Antes ang ginamo, nakit-an na sang waiter sang KTV bar nga may pusil nga dala ang suspek nga si Deocampo kag duha ka mga John Does.
Sa subong, gin-custody na sa Pontevedra MPS si Deocampo, samtang padayon pa ang hot pursuit operation sa duha ka John Does.
