ILOILO – Ginrespondehan sang mga barangay officials ang bana nga nagmaoy makaligad nag-away sa iya asawa sa Purok 1, Pavia kagab-i.
Suno sa kagawad sang barangay, nagabinaisay ang mag-asawa sa guwa sang ila balay. Ang kabataan nga nagahampang sa guwa, ginhangkat sang bana tubtob nga ginlagas bitbit sang ginpataliwis nga kabilya nga ginabanta nagalaba sang 12 ka pulgada.
Nakainom sang makahulubog nga ilimnon ang bana, suno sa kagawad.
Tungod sini, nagresponde ang mga barangay officials kag nagtawag sa Pavia police agud maaresto ang nagmaoy nga bana.
May record na sadto ang bana sang nagpalupok sang pusil sa barangay. Gin-surrender sang asawa ang pusil, suno sa kagawad.
