ILOILO— Nagtingob ang pulis, mga barangay officials kag iban pa nga stakeholders sa Iloilo City Police Office para sa paglunsar sang Multi-Disciplinary Team (MDT) Reach-Out Operation.
Katuyuan sini nga ma-address ang mga concerns sa mga menor-de-edad nga nagalagaw sa sulod kag gwa sang Iloilo Terminal Market.
Lakip sa nagtambong sa programa ang mga barangay officials sang siyam ka barangays sa City Proper, City Social Welfare and Development Office (CSWDO), Local Economic Enterprise Office (LEEO) PNP-CSWD, Task Force on Moral Values and Formation kag Iloilo City Anti-Smoking Task Force (ICAST).
