ILOILO — Patay ang 56-anyos nga barangay tanod sang gintiro samtang nagasakay sa motorsiklo sa Brgy. Loong Proper, Concepcion kahapon sang hapon, Hulyo 15.
Suno kay Police Senior Master Sergeant Gregory Barbo, imbestigador sang Concepcion Municipal Police Station, nagasakay sa motorsiklo ang biktima upod ang iya asawa nga papuli na kuntani sa ila balay.
Paglab-ut sa sementado nga porsyon sang dalan, nagdulog ang motorsiklo sang nakit-an ang suspek sa kakahuyan.
Wala sang pagbinaisay nga natabo suno sa police antes gintiro sang suspek ang biktima. Wala napilasan ang asawa suno sa police.
Naigo sa wala nga dughan ang biktima nga gintunaan sang iya kamatayon.
Ginapatihan nga 12-gauge shot gun ang gingamit nga pusil sang suspek suno sa police.
Ginaimbestigaran pa sang police ang motibo sa krimen. — Aksyon Paula Elambayo
