ILOILO — Bali ang wala nga paa kag yupok ang guya sang 23-anyos nga college graduate sang nakabunggo sa pader sang balay sa Brgy. Quinagaringan Grande, Passi City la-1:20 kaina sang kaagahon.
Ginpahayag ni Fire Officer 1 Jerick John Casamayor sang BFP Passi City nga nagresponder sa lugar, nga tungod bag-o graduate si alyas Ren sang Calinog, nag-inum inom siya upod sa iya mga abyan tubtob naghagaray nga ma-road trip sakay sa ila motorsiklo.
Samtang naga-drive, natalupangdan sang iya mga kaupod nga naga-ekis-ekis ang pagmaneho ni Ren tubtob nga nakabunggo sa pader sang balay.
Gindala pa sa ospital ang biktima pero gindeklarar nga dead-on-arrival suno kay FO1 Casamayor.
