ILOILO — Naputos sa tela kag nasulod sa plastic sang nasapwan ang patay nga lapsag sa Estancia Public Cemetery, Barangay Tacbuyan, Estancia.
Suno kay Police Lieutenant Adrian Baligod, Officer-in-Charge sang Estancia Municipal Police Station, may menor-de-edad nga nakalabay sa kilid sang patyo nga may nakita nga ido kabangdanan nga nagduda kag ginpalapitan ang plastic.
Ang patyo ang kilid lang sang karsada suno kay Baligod.
Ginbuksan niya ang plastic kag nakita niya ang bangkay na nga lapsag.
Gilayon niya nga ginpahibalo sa iya amay kag ang iya amay ang nagpalab-ot sang impormasyon sa barangay opisyal sa pulis.
Ginabanta isa na ka semana nga nabun-ag ang lapsag nga babaye suno sa pulis.
Ginlubong na gilayon ang lapsag.Samtang padayon ang backtracking sang pulis agud matumod kon sin-o ang nagbilin sa patay nga lapsag. — Aksyon Angel Mae Ciudad
