ILOILO – Patay ang driver sang napilpilan sang ginamaneho nga truck sa Brgy. Toyungan, Calinog kahapon, Marso 7.
Ginkilala ang napatay kay Val Gardose, 24, sang Brgy. Tabuc Suba, Barotac Nuevo, Iloilo.
Suno kay Police Master Sergeant Rex Amorin sang Calinog Police Station, ginasubay sang truck ni Gardose ang talakladon nga parte sang dalan sang napatay ang makina.
Kasunod sini, naatrasan sang truck ang poste rason nga naglumpat agud makaguwa si Gardose.
Pero natumba ang truck sa diin naglumpat si Gardose kag napilpilan ang iya ulo.
Gindala pa siya sa Calinog District Hospital apang gindeklarar nga dead-on-arrival.
