Ex-police, 2 ka iban pa dakup sa drug buy bust operation sa Mandurriao; P1.3 million nga balor sang suspected shabu na-recover

ILOILO CITY — Dakup ang ex-police kag duha ka iban pa sa drug buy bust operation sa Barangay Navais, Mandurriao kahapon, Hunyo 18.

Subject kanday alyas Pepit, 60-anyos nga ex-police kag residente sang Barangay Navais, Mandurriao.

Nadakpan man kanday alyas Mark, 37-anyos nga residente sang Barangay Katilingban, Molo; kag Alyas Noel, 47-anyos sang Barangay San Isidro, Jaro.

Suno kay Police Captain Lester Oliveros, hepe sang Police Station 10 sa Mandurriao, na-monitor ang illegal drug activities sang mga nadakpan tungod sa impormasyon halin sa concerned citizens.

Duha ka semana nga gin-monitor ang subject kag natukiban nga sa San Isidro nagakuha sang supply sang illegal drugs.

Na-recover ang 200 grams sang shabu kag may standard drug price nga P1,360,000.

Nag-AWOL si alyas Pepit sang 1995 kag may kaso may kaangtanan sa illegal drugs. — Aksyon Farrah Mae Morano