Malapit tunga sa milyon nga balor sang suspected shabu na-recover sa buy bust operation sa La Paz

ILOILO CITY — Na-recover ang malapit tunga sa million nga balor sang suspected shabu sa drug buy bust operation sang Station Drug Enforcement Team (SDET) sang Iloilo City Police Station 2 sa Zone 2 Brgy. San Nicolas, La Paz Biyernes sang gab-i, Agosto 15.

Ginkilala ang subject kay Alyas Toto Boknoy, 44-anyos kag residente sang amo nga barangay.

Suno kay Police Captain Jeffrey Delgado, officer-in-charge sang Iloilo City Police Station 2 sa La Paz, sa syudad naghalin ang supply sang illegal drugs sang ginakabig nga High Value Individual (HVI) nga subject.

Sa kabug-usan, naglab-ot sa 60 grams ukon 10 sachets sang suspected shabu ang nakumpiskar sa operasyon kag may standard drug price nga Php408,000.

Sa subong, yara na sa kustodiya sang kapulisan ang subject. — ARI trainee reporter Decyrrie Diamante