ILOILO CITY — Nakuhaan sang duha ka pusil kag mga bala ang 44-anyos nga negosyante sang ginserbehan sang search warrant sang taga-Iloilo City Police Station 2 sa Zone 5 Brgy. San Isidro, La Paz las-5:10 sang aga.
Ini suno Kay Police Captain Jeffrey Delgado, officer-in-charge sang Iloilo Police Station 2.
Ginserbe ang search warrant sang nakabaton sang reklamo ang police nga nagapamahog kag nagapalupok siya sang pusil.
Na-recover sa subject ang isa ka .38 caliber revolver, anum ka .38 caliber ammunition, isa ka 9mm Taurus G3 Compac Pistol kag 16 ka caliber 9mm ammunition.
Base sa pagpangusisa sang police, may record sa barangay ang negosyante nga masami nagapamahog nga mangtiro.
Magapangatubang sang kaso nga paglapas sa RA 10591 ukon Comprehensive Firearms and Ammunition Regulation Act ang subject nga ara na sa kustodiya sa Iloilo City Police Station 2 sa La Paz. — ARI trainee Robert Nietes
