ILOILO — Nakuhaan sang P1 million nga balor sang suspected shabu ang duha ka mga nagkaladakpan sa drug buy bust operation sa Barangay Caw-i, Batad las-3:40 kaina sang kaagahon.
Ginkilala ang mga subjects kanday alyas Toto, 31-anyos kag alyas Ram, 27-anyos lunsay residente sang Barangay Bulak Sur, Batad.
Suno kay Police Captain John Predic Padilla, hepe sang Batad Municipal Police Station, Hulyo subong nga tuig sang i-subject kuntani sa buy bust operation si Toto pero wala niya gindayon ang transaksyon tungod may nagtimbre sa iya kag nabalahuba ang operasyon
Sa impormasyon sang mga pulis, nagpa-Manila si Toto pero na-monitor nga nagbalik kag liwat nga nagbaligya sang illegal nga druga tatlo ka semana ang nagligad.
Ginpabutyag man ni Padilla nga nadakpan na si alyas Ram sa buy bust operation sa San Rafael sang siya menor-de-edad pa lang.
Ginabanta 150 grams sang suspected shabu ang nakumpiskar sa operasyon. — Aksyon Maria Kayla Tingzon
