ILOILO – Na-recover sang Provincial Drug Enforcement Unit (PDEU) ang P741,000 nga balor sang suspected shabu sa 24-anyos nga ginakabig high-value drug personality sa drug bust operation sa Brgy. Bungca, Barotac Nuevo kahapon, Agosto 14.
Sa masangkad kag maid-id nga intelligence monitoring, naaresto si alyas Dave nga residente sang amo nga barangay.
Sa operasyon na-recover ang tatlo ka sachet sang illegal drugs nga nagabug-at sang 105 grams.
Tungod sini, natapna sang kapulisan ang paglapta sang illegal drugs sa probinsiya sang Iloilo partikular sa Barotac Nuevo, Anilao kag Dumangas.
