Pavia: Bata sang Tanod, nakapalagyo sa Drug bust Operation sang IPPO!

Jocelyn Gelloagan-Maque

Nakapalagyo ang bata sang tanod sang gin-search sang gintingub nga puwersa sang Provincial Anti-illegal Drug Special Operations Group (PAIDSOT) sang Iloilo Police Provincial Office (IPPO), SWAT Team kag 2nd Manuever Platoon ang ila balay sa Barangay Balabag, Pavia kaina sang aga.

Wala na naabtan si Daniel Dalisay, anak ni Balabag tanod member Bebot Dalisay sang gin-search ang ila balay apang may narecover nga 6 ka sachets sang suspected shabu, mga drug paraphernalia kag isa ka homemade shotgun.

Anum naman ang nadakpan kalakip na ang live-in partner ni Daniel nga si Elaine Lopez kag natalana pasakaan sang kaso nga paglapas sa Comprehensive Dangerous Drugs Act of 2002 (RA 9165).

Magluwas nga nagaduso sang illegal drugs si Daniel, ginapatihan man nga ginahimo sini nga drug den ang ila balay.