Mga opisyal sang Provincial Government nga ginsuspender sang isa ka tuig, balik na sa pagtrabaho

Iloilo–Nag-courtesy call kahapon kay Governor Arthur Defensor sanday Provincial Accountant Lyd Tupas kag Assistant Provincial Accountant Sandra Bionat.

Balik trabaho sanday Tupas kag Bionat matapos nga naserbihan nila ang isa ka tuig nga suspension nga ginpaguwa sang Office of the Ombudsman sang Pebrero 16, 2015.

Ginsuspender sanday Tupas, Bionat kag general services department head Ramy Salcedo bangud sa kaso administratibo. May kaangtanan ini sa pagbayad sang 4 milyones pesos sa power supplier nga Green Core sang 2009 sa wala nakonsumo nga elektrisidad sang provincial government. (Aine Grace Bravo)