UPDATE: 5 pa ka gintudlo kaupod ni PDEA 6-identified drug personality Melvin Odicta sa tuyo nga pagsaka sa Aksyon Radyo Iloilo sang nagligad nga tuig

Iloilo City–Ginpasaka na sang Manduriao police ang kaso batuk sa lima pa ka ginpahayag ka-upod ni PDEA 6-identified top drug personality Melvin Odicta alyas Boyet nga nagtuyo magsaka sa Aksyon Radyo Iloilo sang Nobyembre 19 sang kaagahon sang nagligad nag tuig.

Suno kay PCINSP Kitt Flora sang Manduriao Police Station, ginpasaka ang kaso nga grave threats, robbery with the use of force upon things kag qualified trespass to dwelling batuk kanday retired PINSP Lino Duarte, Fritz Balmes, Eduardo Regalado alyas Abog, alayas Rap-Rac Odicta kag Nonoy Camarista. Gin-file kahapon ang kaso suno kay Flora sa opisina ni Prosecutor Christopher Daquilaña sang City Prosecutor’s Office.

Una na nga ginpasakaan sang kasubong nga kaso sang Manduriao police sanday Melvin Odicta alyas Boyet, bata sini nga si Melvin Odicta Jr kag Monica Blumentritt, City Proper Barangay Kagawad Jesus “Jingjing” Espinosa. (Aine Grace Bravo)