Balay sa Arevalo, Nasunog!

Iloilo City–Napuhag ang mga residente sang Zone 1 Sto. Niño Sur, Arevalo sang nagtub-ok ang madamol nga aso halin sa balay ni Rene Alger kahapon.

Suno sa Bureau of Fire Protection, naghalin ang kalayo sa kusina sang balay. Posible suno sa kay City Fire Marshal FSUPT Jerry Candido nga nagsugod ang kalayo sa linya sang kuryente ukon appliance.

Ginabanta sa P100, 000 ang kahalitan sa sunog. Wala na sang iban nga balay nga nadalahig sa sunog kag wala man sang nasamaran. (AGB)