TMTRO Head, Nagpa-athag Kon Nga-a Wala pa Na-implementar ang Speed Limit Ordinance sang Syudad

Iloilo City–Wala sang budget ang City government sa pagbakal sang car speed radar nga kinahanglan sa pag-implementar sang “Speed Limit Ordinance.”

Gin-ako ini ni TMTRO head Robert “Bob” Foerster. Ginpangkakas man suno sa iya ang mga speed limit signages bangud nga ginpang-obra ang mga karsada.

Pero posible naman suno kay Foerster nga mapondohan na sang syudad sa masunod nga tuig ang pagbakal sang mga equipment nga magatakos sa kadasigon sang mga salakyan pareho sang car speed radar kag CCTV. Ginpahibalo suno sa iya ni Mayor Jed Patrick Mabilog nga 30 milyones pesos ang budget para sa programa sa traffic sa masunod nga tuig. (AGB)