Lapaz, may pinakamadamo nga gangs base sa ICPO report

Iloilo City–Lapaz ang may pinakamadamo nga gangs base sa validated record sang Iloilo City Police Office.

Sa 28 ka mga gangs nga naga-egsister sa syudad, 14 dire ang yara sa Lapaz. Suno kay PSI Marie Faith Superio sang Women and Children’s Protection Desk sang ICPO, madamo sang mga eskwelahan sa Lapaz gani ini ang posible rason nga madamo man nga kabataan ang naga-intra sa gangs.

Sa opinion ni Superio, nagkulang man ang kapulisan sa pagproteher sa kabataan bangud nangin prayoridad nila ang kampanya kontra sa illegal drugs.  Apang ginpahayag niya nga nagahimo na sang paagi ang kapulisan pareho sang barangay visit agud matapna sa pagtuhaw sang mga gangs.

Naga-coordinate man ang mga pulis sa mga barangay agud tipunon ang mga miembro sang gangs kag ila ginkinanan kag istoryahon isa-isa. KON indi makakadto suno sa iya ang mga gang members kag leaders, i-tokhang sila sa ila balay kag hingyuon nga maglikaw sa gamo. (AGB)