5-6 lending scheme, illegal suno sa Securities and Exchange Commission

Iloilo City–Illegal ang 5-6 nga sistema sang pagpautang suno sa Securities and Exchange Commission ukon SEC.

Suno kay Atty. Russel Ildesa, SEC 6 Regional director, base sa Lending Company Regulation Act of 2007, mahimo multahan sang P10,000 tubtob P50,000 ukon mapreso sang indi magnubo sa anum ka tuig kag indi magsobra sa 10 ka tuig ang madakpan nga naga-engage sa indi rehistrado nga pagpa-utang.

Gina-engganyo ni Ildesa ang mga nagapa-utang nga Indian nationals kag bisan mga Filipinos nga magparehistro antes ang Abril 30, 2017 nga deadline agud indi mahul-an.

Sang damlag lang, ginmandu ni Presidente Rodrigo Duterte ang pag-aresto sa mga Indian nationals nga masami nagapa-utang sa mga Filipinos. Suno kay Justice Sec. Vitaliano Aguirre II, katuyuan sang presidente nga ma-untat ang pagpabudlay ilabe na sa pigado nga mga Filipinos nga nagabayad sang daku nga interest sa illegal nga lending scheme. (AGB)