27-anyos nga lalaki, ginlampusan sang botelya, ginkuga sang alambre kag ginpahayag nga ginbuno sang buka nga botelya!

Barotac Nuevo, Iloilo–Estable na ang kondisyon sang 27-anyos nga lalaki nga ginlampusan sang botelya, ginkuga sang alambre kag ginpahayag ginbuno sang buka nga botelya sa dughan.

Ginkilala ang biktima kay Jose Rodriguez sang Barangay Lagubang sang nasambit nga banwa. Suno kay PCI Reymund Celoso, hepe sang Barotac Nuevo Police Station, pagpangimon ang motibo sa insidente bangud nakabati sang istorya ang suspetsado nga si alyas Tom, 37-anyos sang amu man nga lugar nga nagapakigkita ang iya live-in partner nga si alyas Inday sa biktima.

Ginpahayag nga gin-ila sang suspetsado ang biktima nga magkadtu sa iya balay agud buligan siya nga magpangsulod sang botelya sa sako. Apang lipod sa ihibalo sang biktima, may malain na nga motibo ang suspetsado.

Pagsulod ni Rodriguez sa balay, gilayon ini ginlampusan sang botelya sa agtang, ginkuga sang alambre kag ginapatihan ginbuno sang buka nga botelya. Nagpukutay ang duha kag nakapanginpadlos ang biktima kag nagpangayo sang bulig.

At large ang suspetsado. (AGB)