Gov. Art Defensor, magahulat sa development sang small Town Lottery kasunod sang pahayag ni House Speaker Pantaleon Alvarez nga illegal ang sugal
Iloilo City — Hulaton ni Governor Arthur Defensor ang development sa operasyon sang Small Town Lottery ukon STL.
Indi magpasilabot ang gobernador bisan pa ginhambal ni House Speaker Pantaleon Alvarez nga illegal ang STL bangud nga wala nalakip sa charter sang Philippine Charity Sweepstakes Office (PCSO).
Ginduso ni Speaker Alvarez nga isuspender temporaryo ang STL operation samtang ginaplantsa sang kongreso ang bag-o nga mga patakaran.
Ginabilin ni Defensor sa kongreso ang paghimo sang paagi agud matadlong ang para sa ila, indi ensakto nga operasyon.
Ginkonfirmar naman kay 3rd District of Iloilo Congressman Arthur ‘Toto’ Defensor Jr nga luyag sang house speaker nga untaton ang STL operations.
Luyag mabasa sang kongresista ang charter sang PCSO agud mabal-an kon wala gid man nalakip sa poder sang PCSO ang paghatag sang franchise sa STL operators. (JoMaque)