20-anyos nga lalaki, nagbuno sa PUJ driver matapos ginpahayag pag-inaway nila sang iya asawa

Iloilo City — Naukpan ang jeepney driver nga ginbuno sang 20-anyos nga lalaki sa Concepcion, City Proper kaina sang kaagahon.

Napilasan sa dughan perso estable na ang kondisyon sa ospital ni Romar Domingo, 37-anyos sang Ungka 2, Pavia.

Nagpaminsar ang driver nga masakay ang suspek nga si Ace Arevalo sang Concepcion, City Proper pero nakibot sang gulpi lang ginbuno.

Suno kay Barangay Kagawad Nicanor Moradas, masabad gid man si Arevalo kun naka-inom.

Base naman sa pag-imbestigar sang City Proper police, nag-inaway ang suspek kag iya asawa antes ang insidente.

Preso na si Arevalo sa Police Station 1 matapos positibo nga gintudlo sang biktima nga amu ang nagbuno sa iya. (JoMaque)